पोंभुर्णा तालुक्‍यात अंधारात हिरवट प्रकाश देणारी जैवप्रकाश उत्सर्जित करणारी दुर्मीळ बुरशी

: पोंभुर्णा तालुक्‍यातील रस्त्यालगत अंधारात हिरवट प्रकाश देणारी जैवप्रकाश उत्सर्जित करणारी दुर्मीळ बुरशी आढळून आली आहे. औम्फालोटस या वंशातील ही बुरशी जॅक-ओ-लँटर्ननावाने जगप्रसिद्ध असून, तिच्या अदभुत हिरवट झळाळीमुळेती आकर्षणाचे केंद्र ठरते. पोंभुर्णा सारख्या कोरड्या पानझडी परिसरात तिची उपस्थिती दिसून येणे हे स्थानिक सूक्ष्म अधिवासात अपेक्षेपेक्षा अधिक जैवविविधता असल्याचे निदर्शक आहे. अतिवृष्टीमुळे मातीतील सेंद्रिय घटक आणि ओलावा वाढल्याने अशा बुरशीसाठी आदर्श परिस्थिती निर्माण होते. चंद्रपूर आणि गडचिरोली जिल्ह्यांतील भामरागड, सिरोंचा परिसरात अद्याप नोंद न झालेल्या फंगल आणि बॅक्टेरियल प्रजाती मोठ्या प्रमाणात आढळतात, ज्यांना आर्थिक दृष्ट्या वापरता येऊ शकते. प्रशिक्षणाद्वारे युवकांना जैवसंपत्ती आधारित उद्योगांकडे वळवावे. अशा बुरशींचा वापर सजावटीसाठी देखील केला जाऊ शकतो. सदर बुरशी राष्ट्रसंत तुकडोजी महाराज नागपूर विद्यापीठाच्या आण्विक जीवशास्त्र व जनुकीय अभियांत्रिकी विभागाच्या सहाय्यक प्राध्यापक डॉ. शीतल चौधरी आणि मोहता विज्ञान महाविद्यालय, नागपूर येथील वनस्पतिशास्त्र विभागाच्या सहाय्यक प्राध्यापक प्रा. शमाली खळतकर यांनी शोधून काढली आहे. त्यांच्या या शोधामुळे ताडोबा-अंधारी व्याघ्र प्रकल्पालगतच्या परिसरातील जैवविविधतेच्या नोंदींमध्ये एक महत्त्वपूर्ण अध्यायाची भर पडली आहे.